www.tsp68tvonline.com
ខេត្តព្រះវិហារ ៖ មន្ត្រីអង្គការក្រៅរដ្ឋាភិបាល និងសកម្មជនព្រៃឈើក្នុងខេត្តព្រះវិហារ បានឲ្យដឹងថា បទបញ្ជារបស់លោក ប្រាក់ សុវណ្ណ អភិបាលខេត្តព្រះវិហារ ក្នុងការបង្ក្រាបនិងទប់ស្កាត់បទល្មើសព្រៃឈើកំពុងក្លាយទៅជារឿងឥតន័យ ព្រោះលោកពិន ទ្រីដា ប្រធានមន្ទីរកសិកម្មខេត្តសៀមរាប និងលោកនួន សុខុម នាយខណ្ឌរដ្ឋបាលព្រៃឈើខេត្តព្រះវិហារ និងលោកម៉ែន សុជាតិ ប្រធានមន្ទីរបរិស្ថាន ខេត្តព្រះវិហារ មិនចាត់វិធានការបង្ក្រាបក្រុមឈ្មួញដឹកជញ្ជូនឈើទាំងនោះឡើយ។
ប្រភពពីមន្ត្រីរាជការក្នុងមន្ទីរកសិកម្មខេត្តព្រះវិហារ មួយចំនួនបានឲ្យដឹងថា មន្ត្រីរដ្ឋបាលព្រៃឈើក្នុងភូមិភារកិច្ច សង្កាត់ប៉ាលហាល ក្រុងព្រះវិហារ គិតតែពីរឿងប្រមូលលុយពីក្រុមឈ្មួញដឹកជញ្ជូនឈើខុសច្បាប់ប៉ុណ្ណោះ ការដែលមន្ត្រីរដ្ឋបាលព្រៃឈើប្រចាំបណ្ដាលស្រុកទាំងនោះធ្វើអ្វីៗតាមអំពើចិត្ត គឺមានការឃុបឃិតបើកដៃពីសំណាក់ លោក នួន សុខុម នាយរដ្ឋបាលព្រៃឈើ ខេត្តព្រះវិហារ ។
ប្រភពពីមន្ត្រីអង្គការក្រៅរដ្ឋាភិបាលក្នុងខេត្តព្រះវិហារ បានឲ្យដឹងទៀត ថា បច្ចុប្បន្នឈ្មួញមួយចំនួនបានកាប់ឈើនិងដឹកជញ្ជូន ឈើពីតំបន់ព្រៃអភិរក្ស គូលែនព្រហ្មទេព ព្រំប្រទល់ខេត្តឧត្តរមានជ័យ និងខេត្តព្រះវិហារ យ៉ាងរលូនព្រោះមានការឃុបឃិតបើកដៃពីសំណាក់មន្ត្រីរដ្ឋបាលព្រៃឈើ ដែលគិតតែពីរឿងប្រមូលលុយដាក់ចូលហោប៉ៅ។
ដូច្នេះហើយទើបលោកស្រី អុឹន ស្រីម៉ៅ អាចដឹកជញ្ជូនឈើពីភូមិភារកិច្ច សង្កាត់ប៉ាលហាល ក្រុងព្រះវិហារ ដែលមានទីតាំងដេប៉ូច្រកចេញតែមួយ រដ្ឋបាលព្រៃឈើខេត្តសៀមរាប ក៏ដូចជាលោកពិន ទ្រីដាប្រធានមន្ទីរកសិកម្មខេត្តព្រះវិហារ និងលោកម៉ែន សុជាតិ មន្ទីរបរិស្ថានព្រះវិហារ ចាត់ទុកបទល្មើសព្រៃឈើជាឆ្នាំងបាយ និងជាប្រភពចំណូលរបស់ខ្លួន យ៉ាងពេញបន្ទុក ។
តាមការកត់សម្គាល់របស់សមត្ថកិច្ចពាក់ព័ន្ធក្នុងខេត្តព្រះវិហារ បានឲ្យដឹងថា ការដែលឈ្មួញឈ្មោះលោកស្រី អុឹន ស្រីម៉ៅ អាចបន្តដឹកជញ្ជូនឈើចេញពីតំបន់ព្រៃអភិរក្ស គូលែនព្រហ្មទេព ខេត្តព្រះវិហារ យ៉ាងគឃ្លើនគឺមានការឃុបឃិតបើកដៃពីសំណាក់មន្ត្រីរដ្ឋបាលព្រៃឈើនៅខេត្តព្រវិហារ។ប្រភពបានឲ្យដឹងទៀតថា ការដែលមន្ត្រីរដ្ឋបាលព្រៃឈើនៅខេត្តព្រះវិហារ ហ៊ានឃុបឃិតឲ្យឈ្មួញឈ្មោះស្រី អុឹន ស្រីម៉ៅ និងបក្សពួក បន្តសកម្មភាពដឹកជញ្ជូនឈើយ៉ាងរាលដាល គឺមានការបើកដៃពីសំណាក់លោកនួន សុខុម នាយខណ្ឌរដ្ឋបាលខេត្តព្រះវិហារ ជាកូនចៅ អោយដេប៉ូឈើឈ្មោះអុឹន ស្រីម៉ៅ ចេញតាមអំពើរចិត្តផងដែរ។
ដូច្នេះលោកប្រាក់ សុវណ្ណ អភិបាលខេត្តព្រះវិហារ ក៏ដូចជាថ្នាក់ដឹកនាំក្រសួងកសិកម្ម និងប្រធានរដ្ឋបាលព្រៃឈើនៃក្រសួងកសិកម្ម មិនគួរមើលរំលងភាពអសកម្ម របស់ប្រធានមន្ទីរកសិកម្មខេត្តព្រះវិហារ និងខណ្ឌរដ្ឋបាលព្រៃឈើខេត្តព្រះវិហារ នោះទេ៕
0 Comments:
Post a Comment
KKK