រដ្ឋមន្ត្រីព័ត៌មានកម្ពុជា អំពាវនាវឱ្យពង្រឹងកិច្ចសហប្រតិបត្តិការ ផ្នែកប្រព័ន្ធផ្សព្វផ្សាយក្នុងតំបន់ នៅក្នុងវេទិកាបណ្តាញប្រព័ន្ធផ្សព្វផ្សាយអាស៊ីខាងត្បូង និងអាស៊ីអាគ្នេយ៍

(យូណាន-ចិន)៖ ថ្លែងក្នុងសុន្ទរកថា នៅវេទិកាប្រចាំឆ្នាំរបស់បណ្តាញប្រព័ន្ធផ្សព្វផ្សាយអាស៊ីខាងត្បូង និងអាស៊ីអាគ្នេយ៍ ដែលប្រព្រឹត្តឡើងនៅថ្ងៃទី៩ ខែធ្នូ ឆ្នាំ២០២៤ រដ្ឋមន្ត្រីព័ត៌មានកម្ពុជា ឯកឧត្តម នេត្រ ភក្ត្រា បានសង្កត់ធ្ងន់ពីតួនាទីសំខាន់ របស់ប្រព័ន្ធផ្សព្វផ្សាយ ក្នុងការចងសាមគ្គីភាពតំបន់ និងការអភិវឌ្ឍសេដ្ឋកិច្ចសង្គម។

(សូមអានបន្ត)

អភិបាលខេត្តកំពង់ស្ពឺ ព្រមានអ្នកពាក់ព័ន្ធល្បែងអនឡាញ ដោយត្រូវទទួលទោសគ្មានការលើកលែងឡើយ ជាពិសេសសមត្ថកិច្ចផ្ទាល់តែម្តង

ឯកឧត្តមបណ្ឌិត ជាម ចន្ទ័សោភ័ណ អភិបាលខេត្តកំពង់ស្ពឺ បានលើកឡើងថា ល្បែងអនឡាញ និងកម្ចីប្រាក់តាមអនឡាញ បាននិងកំពុងបង្កជាហានិភ័យខ្ពស់បំផុតសម្រាប់ប្រជាពលរដ្ឋ ដូច្នេះអ្នក​ដែលចូលចិត្តប្រព្រឹត្តិ និងញៀនល្បែងស៊ីសង ខ្ចីប្រាក់ពីកម្ចីតាមអនឡាញគួរតែបញ្ឈប់ពីពេលនេះតទៅ ចៀសវាងមានវិប្បដិសារីទៅថ្ងៃក្រោយ និងត្រូវទទួលទោសទណ្ឌដោយមិនមានការលើកលែងឡើយ។

ឯកឧត្តមបណ្ឌិត ជាម ចន្ទ័សោភ័ណ បានលើកឡើងនៅព្រឹកថ្ងៃទី៩ ខែធ្នូ ឆ្នាំ២០២៤ ក្នុងវេទិកាផ្សព្វផ្សាយសារាចរណែនាំស្តីពីការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ នៅសាលាខេត្តកំពង់ស្ពឺ។

ឯកឧត្តមបណ្ឌិត ជាម ចន្ទ័សោភ័ណ បានឲ្យដឹងថា បច្ចុប្បន្ននៅតាមបណ្តាញសង្គមមួយចំនួន បាននិងកំពុងអូសទាញប្រជាពលរដ្ឋឱ្យចូលលេងល្បែងស៊ីសងខុសច្បាប់ដោយផ្ទាល់ ឬល្បែងអនឡាញ តាមរយៈការផលិតរូបភាព និងមាតិកាល្បែងស៊ីសង។ល។

នៅក្នុងសកម្មភាពផ្សព្វផ្សាយ និងចែករំលែកបន្ត (Share) អំពីល្បែងស៊ីសងខុសច្បាប់ទាំងនេះ ក៏មានការចូលរួមពីបុគ្គលមានប្រជាប្រិយភាព និងអ្នកផលិតមាតិកាសង្គមមួយចំនួនផងដែរ ដែលជាហេតុធ្វើឱ្យ​សាធារណជនមាន ការភាន់ច្រឡំ ហើយបន្តចែកចាយរូបភាពវីដេអូ និងមាតិកាទាំងនោះ ធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។

ជាមួយគ្នានេះ ដោយសារតែវិបត្តិអាជីវកម្ម និងការលង់ខ្លួនជាមួយល្បែងអនឡាញ ក៏មានបងប្អូនប្រជាពលរដ្ឋមួយចំនួន បានហក់ចូល ឬបង្ខំចិត្តទៅខ្ចីប្រាក់ពីកម្ចីអនឡាញថែមទៀត ក្នុងនោះអ្នកដាក់កម្ចីនេះ ​គឺជាជនបរទេស បានយកអត្រាការប្រាក់ដ៏ច្រើនលើសលប់ ខ្លះមានអត្រាការប្រាក់២០ដុល្លារ ទៅ៥០ដុល្លារ ក្នុងកម្ចី១០០ដុល្លារ ដើម្បីទ្រទ្រង់មុខរបរ និងដើម្បីដោះបំណុលដែលខ្ចីលេងល្បែងអនឡាញ ហើយដោយសារតែអត្រាការ ប្រាក់ខ្ពស់ពេកនេះ បានធ្វើឱ្យប្រជាពលរដ្ឋខ្លះវ័ណ្ឌកដោះមិនរួច ហើយខ្លះហ៊ានដល់ទៅបញ្ចប់ជីវិតដើម្បីគេចវេសពីបំណុលនេះទៀតផង។

ដើម្បីពង្រឹងលើកិច្ចការនេះ ឯកឧត្តមបណ្ឌិត ជាម ចន្ទ័សោភ័ណ បានណែនាំសមត្ថកិច្ចពាក់ព័ន្ធ និងអាជ្ញាធរក្រុង-ស្រុកទាំង៩ ត្រូវបង្កើនប្រសិទ្ធិភាព នៃការផ្សព្វផ្សាយ​ឱ្យបានទូលំទូលាយពីផលប៉ះពាល់ ​នៃការលេងល្បែង​ស៊ីសងគ្រប់ប្រភេទ ទាំងល្បែងអនឡាញ ល្បែងនៅតាមផ្ទះ ក្នុងនោះល្បែងបៀស៊ីគូរថៃ ក៏ចាត់ចូលជាល្បែងស៊ីសងដូចគ្នាដែរ។

ទន្ទឹមនិងការផ្សព្វផ្សាយនេះ សមត្ថកិច្ច និងអាជ្ញាធរក្រុង-ស្រុក ត្រូវបន្តពិនិត្យតាមដានរាល់សកម្មភាព នៃទីតាំងបើកល្បែង ពិនិត្យរាល់ឯកសារពាក់ព័ន្ធ ផ្ទាំងប៉ាណូដែលបង្កប់ស្លាកសញ្ញាល្បែង និងចាត់វិធានការឱ្យបានតឹងរឹង លើការទប់ស្កាត់ បង្ក្រាបឱ្យបាន ក្នុងនោះចៅក្រមតុលាការត្រូវដាក់ទោសទណ្ឌឱ្យបានធ្ងន់ធ្ងរដល់អ្នកលេងល្បែងទាំងអស់នោះដើម្បីឱ្យមានការរាងចាល។

ឯកឧត្តមបន្តថា រាល់ការបើកឱ្យមានការកម្សាន្តរាត្រី រដ្ឋបាលខេត្ត និងអង្គភាពពាក់ព័ន្ធ ត្រូវតាមដាន និងបញ្ឈប់រាល់សកម្មភាពរបស់តារាល្បីៗ ដែលឆ្លៀតឱកាសផ្សព្វផ្សាយពីល្បែងស៊ីសង ឆែកមើល និងរកឱ្យឃើញ​ចំពោះបណ្តាញសង្គមណាដែលផ្សព្វផ្សាយពីល្បែង ក្នុងករណីរកឃើញថាការផ្សាយចេញពីក្នុងមូលដ្ឋានខេត្តកំពង់ស្ពឺ សមត្ថកិច្ចត្រូវចាត់វិធានការបង្ក្រាបភ្លាមដោយមិនត្រូវទុកយូរឡើយ។

ទន្ទឹមនិងនេះដែរ ឯកឧត្តមអភិបាលខេត្តកំពង់ស្ពឺ បានបញ្ជាក់បន្ថែមថា លោកអធិការស្រុក និងមេអាវុធហត្ថមូលដ្ឋានក្រុង-ស្រុកទាំង៩ ត្រូវអនុវត្តឱ្យបានក្នុងមូលដ្ឋានរបស់ខ្លួន ក្នុងករណីរកឃើញថា លោកអធិការ និងមេអាវុធហត្ថមូលដ្ឋានក្រុងស្រុកណាមានការជាប់ពាក់ព័ន្ធជាមួយការបើកលេងល្បែងស៊ីសងគ្រប់ប្រភេទ នឹងត្រូវទទួលទោសទណ្ឌតាមផ្លូវច្បាប់ដោយមិនមានការលើកលែងឡើយ៕

(សូមអានបន្ត)

មន្ត្រីជាន់ខ្ពស់ក្រសួងប្រៃសណីយ៍ និងទូរគមនាគមន៍៖ សន្តិសុខសាយប័រ ពិតជាមានសារៈសំខាន់ សម្រាប់ការធ្វើបរិវត្តកម្មឌីជីថល លើគ្រប់វិស័យនៅកម្ពុជា

(ភ្នំពេញ)៖ លោក សូ វិសុទ្ធី រដ្ឋលេខាធិការក្រសួងប្រៃសណីយ៍ និងទូរគមនាគមន៍ (ក.ប.ទ.) បានលើកឡើងថា សន្តិសុខសាយប័យ ពិតជាមានសារៈសំខាន់ណាស់ សម្រាប់ការធ្វើបរិវត្តកម្មឌីជីថល លើគ្រប់វិស័យនៅកម្ពុជា ដូចជា៖ សេវារបស់រដ្ឋាភិបាល ពាណិជ្ជកម្មអេឡិចត្រូនិក ធនាគារជាដើម។

(សូមអានបន្ត)

អភិបាលខេត្តប៉ៃលិន ចុះពិនិត្យការប្រមូលផលបន្លែផ្លែឈើ ដើម្បីផ្គត់ផ្គង់ទីផ្សារក្នុងស្រុក និងនាំចេញរបស់ប្រជាកសិករ ខណៈឆ្នាំនេះទីផ្សារល្អប្រសើជាងឆ្នាំកន្លងទៅ

(ប៉ៃលិន)៖ លោកស្រីបណ្ឌិត បាន ស្រីមុំ អភិបាលខេត្តប៉ៃលិន នាថ្ងៃទី០៨ ខែធ្នូ ឆ្នាំ២០២៤ បានដឹកនាំមន្ត្រីជំនាញ និងក្រុមការងារចុះពិនិត្យមើលការប្រមូលផលបន្លែផ្លែឈើ ដូចជា ផ្លែមៀនប៉ៃលិន ផ្លែស្វាយកែវល្មៀតនិងបន្លែរបស់កសិករ នៅឃុំសាលាក្រៅ និងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីផ្គត់ផ្គង់ទីផ្សារក្នុងស្រុក និងនាំចេញ ខណៈឆ្នាំនេះទីផ្សារល្អប្រសើជាងឆ្នាំកន្លងទៅ។

(សូមអានបន្ត)

ខេត្តសៀមរាប នឹងរៀបចំព្រឹត្តិការណ៍បង្ហើរខ្លែងឯកខ្មែរ និងដើម្បីចូលរួម ថែរក្សាសម្បត្តិវប្បធម៌ អរិយធម៌ និងស្របតាមយុទ្ធនាការ “ទស្សនាសៀមរាប ឆ្នាំ២០២៤”

(សៀមរាប)៖ រដ្ឋបាលខេត្តសៀមរាបសូមជូនដំណឹង ស្តីពីការទទួល និងដាក់ពាក្យសុំចូលរួមប្រកួតបង្ហើរខ្លែងឯកខ្មែរ និងខ្លែងសេរីក្នុងឱកាសនៃការរៀបចំព្រឹត្តិការណ៍បុណ្យបង្ហើរខ្លែងឯក និងខ្លែងសេរី ខេត្តសៀមរាប ឆ្នាំ២០២៤​ ដែលនឹងប្រព្រឹត្តទៅនាថ្ងៃសុក្រ-អាទិត្យ ១២-១៤រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧-២៩ ខែ ធ្នូ ឆ្នាំ២០២៤ខាងមុខ នៅក្នុងបរិវេណអាកាសយានដ្ឋានអន្តរជាតិសៀមរាប(ចាស់)។

សម្រាប់ព័ត៌មានបន្ថែមសូមទាក់ទង លោក មួន សុភាព ទូរសព្ទលេខ ០១២ ៩៣៨ ៤២៨ ឬលោក ព្រំ ខេមរា ទូរសព្ទលេខ ០១២ ៦០៨ ៦០៨។

ក្នុងនោះផងដែរ រដ្ឋបាលខេត្តសៀមរាប ក៏បានជម្រាបជូនដំណឹងថា​ ដើម្បីចូលរួម ថែរក្សាសម្បត្តិវប្បធម៌ អរិយធម៌ និងស្របតាមយុទ្ធនាការ “ទស្សនាសៀមរាប ឆ្នាំ២០២៤” រដ្ឋបាលខេត្តសៀមរាប នឹងរៀបចំពិធីបុណ្យខ្លែងឯកខ្មែរ ខេត្តសៀមរាប ឆ្នាំ២០២៤ ចាប់ពីថ្ងៃសុក្រ-អាទិត្យ ១២-១៤រោច​ ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ដល់ថ្ងៃទី២៩ ខែធ្នូ ឆ្នាំ២០២៤។ ក្នុងព្រឹត្តិការណ៍ នេះ រដ្ឋបាលខេត្តនឹងមានរៀបចំកម្មវិធីមួយចំនួនដូចខាងក្រោម៖

១- កម្មវិធីប្រកួតបង្ហោះខ្លែងឯកខ្មែរ ដែលមកពីបណ្តារាជធានី-ខេត្ត ទូទាំងព្រះរាជាណាចក្រកម្ពុជា​ និងមន្ទីរ-អង្គភាពជុំវិញខេត្ត រដ្ឋបាលក្រុង-ស្រុក ក្នុងខេត្តសៀមរាប។

២- កម្មវិធីពិព័រណ៍ផលិតផលក្នុងស្រុក ពិព័រណ៍បន្លែផ្លែឈើ និងពិព័រណ៍ម្ហូបអាហារ ភូមិមួយ ផលិតផលមួយ ការសម្តែងល្ខោនបាសាក់ ល្ខោននិយាយ និងការប្រគុំតន្ត្រីបុរាណ និងសម័យ នាពេលរាត្រី។

៣- កម្មវិធីបង្ហាត់បង្ហាញអំពីរបៀប នៃការធ្វើខ្លែងឯកខ្មែរ និងខ្លែងសេរី ដោយព្រឹទ្ធាចារ្យខ្លែងឯក ក្នុងខេត្តសៀមរាប៕

(សូមអានបន្ត)

សម្តេច ម៉ែន សំអន៖ សមាគមមិត្តភាពកម្ពុជា-វៀតណាម ដើរតួនាទីជាស្ពានជំរុញកិច្ចសហប្រតិបត្តិការពាណិជ្ជកម្ម និងវិនិយោគ

សម្តេចកិត្តិសង្គហបណ្ឌិត ម៉ែន សំអន ប្រធានសមាគមមិត្តិភាពកម្ពុជា-វៀតណាម និងលោកស្រី ង្វៀង ធីថាញ់ ប្រធានសមាគមមិត្តិភាពវៀតណាម-កម្ពុជា សហប្រធានបានដឹកនាំកិច្ចប្រជុំ នៃសមាគមប្រទេសទាំងពីរ ដែលភាគីកម្ពុជាធ្វើជាម្ចាស់ផ្ទះ ដែលបានរៀបចំឡើងនៅសណ្ឋាគារវ៉ាការ៉ាកែប នាព្រឹកថ្ងៃសុក្រទី៦ ខែធ្នូ ឆ្នាំ២០២៤។

(សូមអានបន្ត)

សេចក្តីថ្លៃងការណ៍បដិសេធ ថ្មីៗនេះមានជនខិលខូចបានប្រេីប្រាស់រូបថត និងឈ្មោះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ទៅបង្កេីតជាគណនីតេឡេក្រាម និងបណ្តាញទំនាក់ទំនងសង្គមផ្សេងៗក្នុងចេតនាទុច្ចរិត ដេីម្បីប្រព្រឹត្តទង្វេី ឬសកម្មភាពផ្ទុយនឹងច្បាប់ ដែលនាំអោយប៉ះពាល់ដល់កិត្តិយល សេចក្តីថ្លៃថ្នូររបស់ក្រសួង ស្ថាប័នរដ្ឋ និងឯកឧត្តមផ្ទាល់

 

(សូមអានបន្ត)

មន្ទីររៀបចំដែនដីរាជធានីភ្នំពេញ បិទផ្សាយទិន្នន័យឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធ នៅមូលដ្ឋានសង្កាត់ភ្លើងឆេះរទេះ ខណ្ឌកំបូល

(ភ្នំពេញ)៖ ដើម្បីឲ្យប្រជាពលរដ្ឋទទួលបានប័ណ្ណកម្មសិទ្ធិដីធ្លី ដែលជាឯកសាររដ្ឋបាលបញ្ជាក់ពីសិទ្ធិជាម្ចាស់លើក្បាលដីនីមួយៗ និងទទួលបានប័ណ្ណកម្មសិទ្ធិជាម្ចាស់ដីពេញលក្ខណៈស្របច្បាប់ ហើយត្រូវបានការពារដោយច្បាប់នោះ មន្ទីររៀបចំ ដែនដី នគរូបនីយកម្ម សំណង់ និងសុរិយោដីរាជធានីភ្នំពេញ បានរៀបចំធ្វើពិធីបិទផ្សាយទិន្នន័យជាសាធារណៈនូវឯកសារ នៃការវិនិច្ឆ័យដីធ្លីដែលមានលក្ខណៈជាប្រព័ន្ធ ក្នុងភូមិចំនួន៣ នៃសង្កាត់ភ្លើងឆេះរទេះ ខណ្ឌកំបូល។

ការបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធ មានរយៈពេល១៥ គឺចាប់ថ្ងៃទី៥ ខែធ្នូ ឆ្នាំ២០២៤ ដល់ថ្ងៃទី២០ ខែធ្នូ ឆ្នាំ២០២៤ខាងមុខ ដើម្បីឲ្យប្រជាពលរដ្ឋមកពិនិត្យមើល ទិន្នន័យក្បាលដី របស់ខ្លួនឲ្យបានច្បាស់លាស់ជៀសវាងខុស កម្មសិទ្ធិរួម ជារបស់ប្តី របស់ប្រពន្ធ ជារបស់ឪពុកម្តាយ ខុសឈ្មោះ ថ្ងៃខែឆ្នាំកំណើត ឬបាត់ទំហំដីជាដើម ដើម្បីងាយស្រួលដល់មន្ត្រីជំនាញ ធ្វើការកែតម្រូវឡើងវិញ ឲ្យបានត្រឹមត្រូវ មានតម្លាភាព សំដៅពន្លឿនដល់ការចេញ ប័ណ្ណកម្មសិទ្ធិប្រើប្រាស់ស្របច្បាប់ជូនពួកគាត់ឲ្យបានឆាប់រហ័ស។

ពិធីនោះបានប្រព្រឹត្តទៅនាព្រឹកថ្ងៃទី០៥ ខែធ្នូ ឆ្នាំ២០២៤ នៅក្នុងវត្តជន្លង់ម្លូ ភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ក្រោមអធិបតីភាពលោក ប៊ុន សុឈី អនុប្រធានមន្ទីររៀបចំដែនដី នគរូបនីយកម្ម និងសំណង់ រាជធានីភ្នំពេញ និងមានការញ្ជើញចូលរួមដោយលោក គន់ ចាន់សុភារី អភិបាលរងខណ្ឌកំបូល លោកចៅសង្កាត់ភ្លើងឆេះរទេះ លោកមេភូមិ និងប្រជាពលរដ្ឋរស់ នៅក្នុងភូមិទាំង៣ខាងលើផងដែរ។

លោក គន់ ចាន់សុភារី អភិបាលរងខណ្ឌកំបូល បានថ្លែងទៅកាន់ប្រជាពលរដ្ឋទាំងអស់ថា នៅពេលទទួលបានប័ណ្ណកម្មសិទ្ធិកាន់កាប់ដីធ្លី គឺជាភាពជោគជ័យមួយ ដែលបងប្អូនមានសិទ្ធិក្នុងការកាន់កាប់ដីដោយស្របច្បាប់ហើយ។ ដូច្នេះសូមឲ្យយកចិត្តទុកដាក់ថែរក្សាឲ្យបានល្អ កុំយកទៅណាផ្ដេសផ្ដាសទុកដាក់ឲ្យស្រួលកុំឲ្យកណ្ដុរ ក្រឡាតកាត់ ឬបាត់បង់ ព្រោះនេះគឺជាការប្រឹងប្រែងរបស់ថ្នាក់ដឹកនាំដែលបានដុតដៃដុតជើងបញ្ជូនក្រុមការងារចុះវាស់វែងធ្វើប័ណ្ណកម្មសិទ្ធិជូនដើម្បីកុំឲ្យមានបញ្ហាតទៅទៀត។ ពេលខ្លះត្រូវសាងសង់ផ្ទះ ឬសង់សំណង់ផ្សេងៗកុំឲ្យមានការប្ដឹងផ្ដល់គ្នា ធ្វើតែនៅក្នុងប្លង់ដីយើងរៀងខ្លួន ដូច្នេះបានសុខសាន្តទាំងអស់គ្នាហើយ។

លោក ប៊ុន សុឈី បានថ្លែងថា ទិន្ន័នយដែលបានបិទផ្សាយទាំង៣ភូមិនេះមានចំនួន២,៨៣០ក្បាលដី។ ចំណែកការចុះបញ្ជីមាន៥ដំណាក់កាលគឺទី១៖ ប្រកាសតំបន់វិនិច្ឆ័យ និងប្រកាសគណៈកម្មការរដ្ឋបាល, ទី២៖ ចុះវាស់វែងប្រមូលទិន្ន័នយក្បាលដី, ទី៣៖ បិទផ្សាយទិន្ន័នយជាសាធារណៈរយៈពេល១៥ថ្ងៃ, ទី៤៖ មានរបាយការណ៍បូកសរុបជូនគណៈកម្មការរដ្ឋបាល ក៏ដូចជាលោកអភិបាលរាជធានីភ្នំពេញ ដើម្បីសម្រេចលើឯកសារប្លង់សុរិយោដីនិងបញ្ជីឈ្មោះម្ចាស់ដី និងទី៥៖ គឺការចែកប័ណ្ណកម្មសិទ្ធិ។

លោក ប៊ុន សុឈី បានបន្តទៀតថា ទិន្នន័យដែលបិទផ្សាយនៅថ្ងៃនេះមានសារៈសំខាន់ខ្លាំងណាស់ ដូច្នេះមិនត្រូវមើលទិន្នន័យឲ្យគ្នាទៅវិញទៅមកនោះទេប្រយ័ត្នខុស ព្រោះមិនអាចឲ្យនរណាម្នាក់មកមើលទិន្ន័យជំនួសបានឡើយ គឺមានតែសាមីខ្លួនមើលខ្លួនឯងទើបមិនខុស។ ទាក់ទិននិតិវិធីពិនិត្យមើលនោះដែរ សូមពិនិត្យបញ្ជីឈ្មោះម្ចាស់ដី លេខក្បាលដី ឈ្មោះកម្មសិទ្ធិករ សាវតាខែឆ្នាំ កំណើត ឈ្មោះឪពុកម្ដាយ ទីកន្លែងកំណើត ទំហំដី និងទីតាំងដីថាតើត្រឹមត្រូវឬអត់ ហើយបើឃើញថាខុសហើយ ត្រូវដាក់ពាក្យសុំកែតម្រូវ ដោយយោងទៅលើអត្តសញ្ញាណប័ណ្ណ និងសំបុត្រកំណើតឡើងវិញ៕

(សូមអានបន្ត)