ជនសង្ស័យប្រុសស្រីចំនួន០៣នាក់ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកំពង់ឆ្នាំងឃាត់ខ្លួនជាបន្តបន្ទាប់!!! ~ គេហទំព័រ ធី អេស ភី 68 ធីវីអនឡាញ

ខេត្តកំពង់ឆ្នាំង ៖ ជនសង្ស័យប្រុសស្រីចំនួន០៣នាក់ ត្រូវកម្លាំងនគរបាលការិយាល័យប្រឆាំង គ្រឿងញៀន នៃស្នងការ ដ្ឋាននគរបាលខេត្តកំពង់ឆ្នាំង ឃាត់ខ្លួនបានជាបន្តបន្ទាប់ ពីបទរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ។

នៅថ្ងៃទី២៧ ខែសីហា ឆ្នាំ២០២១ ឃាត់ខ្លួនជនសង្ស័យម្នាក់ឈ្មោះ រិន សុវណ្ណារ៉ា ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិសាលាលេខ៥ ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ។ ជននេះឃាត់ខ្លួននៅចំណុចភូមិអន្លង់ត្នោត ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ក្នុងពេលឃាត់ខ្លួនសមត្ថកិច្ចដកហូតបានថ្នាំញៀនចំនួន១១កញ្ចប់និងទូរស័ព្ទ០១គ្រឿង ។

ក្រោយពីសាកសួរជនសង្ស័យ នៅវេលាម៉ោង៨និង ៣០នាទី ថ្ងៃទី២៨ សីហា សមត្ថកិច្ចបានឈាន ទៅឃាត់ខ្លួនជនសង្ស័យម្នាក់ទៀតឈ្មោះ ឈុន សុភ័ក្រ្ត ហៅហើម ភេទប្រុស អាយុ២៥ឆ្នាំ មុខ របរកម្មកររស់នៅភូមិត្រពាំងព្នៅ ឃុំច្រេស ស្រុកកំពង់ត្រឡាច។ ក្នុងពេលឃាត់ខ្លួន សមត្ថកិច្ច ដកហូតបានថ្នាំញៀនចំនួន១៤កញ្ចប់និងទូរស័ព្ទ១គ្រឿង ។

សមត្ថកិច្ចបានបន្តឃាត់ខ្លួនជនសង្ស័យបានម្នាក់ទៀត ឈ្មោះ សុង សុខនី ភេទស្រី អាយុ៣៨ឆ្នាំ ជនជាតិខ្មែរ មុខរបរលក់ខោ អាវ រស់នៅភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ។ ជនសង្ស័យត្រូវបានឃាត់ខ្លួននៅចំណុចព្រំប្រទល់ខេត្តកំពង់ឆ្នាំងនិងខេត្តកណ្តាល ជាមួយវត្ថុតាងថ្នាំ ញៀន១កញ្ចប់ធំ ទូរស័ព្ទ១គ្រឿង និង ម៉ូតូ១គ្រឿង។

ជនសង្ស័យទាំង០៣នាក់ កំពុងសាកសួរនៅស្នងការដ្ឋាននគរបាលខេត្តកំពង់ឆ្នាំង ដើម្បីយកចម្លើយ កសាងសំណុំរឿងបញ្ជូនទៅកាន់តុលាការ ចាត់ការបន្តតាមនិតិវិធីច្បាប់៕