www.tsp68tvonline.com
(ដេលីមែល) ៖ អ្នកប្រដាល់ អេរ៉ូល ស្ពេន ជេអា បានបោះបង់ចោលការប្រកួតជាមួយមែននី ប៉ាកគីអៅ នៅថ្ងៃទី ២១ ខែសីហាដោយសារតែការដាច់រហែកភ្នាសរីទីណានៅភ្នែកឆ្វេងរបស់គេ។
អ្នកផ្សព្វផ្សាយបានប្រកាសកាលពីថ្ងៃអង្គារទី១០សីហាថា ម្ចាស់ខ្សែក្រវាត់ទម្ងន់មធ្យមក្របខ័ណ្ឌ WBA យ៉ូដេនីស អ៊ូហ្គាស នឹងឡើងទៅជួបប៉ាកគីអៅ នៅសង្វៀន T-Mobile Arena ក្នុងទីក្រុងឡាសវេហ្គាសនៅកាលបរិច្ឆេទដដែល។
ស្ពេន (២៧-០, ផ្តួលគេឱ្យសន្លប់ ២១ ដង) គ្រងខ្សែក្រវាត់ទម្ងន់មធ្យម WBCនិង IBFប៉ុន្តែរូបគេបានប្រកួតតែម្តងគត់ចាប់តាំងពីខែកញ្ញាឆ្នាំ ២០១៩ដោយសារគ្រោះថ្នាក់រថយន្តនិងការរីករាលដាលនៃមេរោគកូរ៉ូណា។ យោងតាមអ្នកផ្សព្វផ្សាយស្ពេនមិនបានដឹងថារូបគេរហែកភ្នាសរីទីណាទេរហូតដល់មានការត្រួតពិនិត្យសុខភាពមុនការប្រកួតដោយគណៈកម្មការអត្តពលកម្មរដ្ឋណេវ៉ាដាកាលពីថ្ងៃចន្ទ។
ស្ពេននឹងទទួលការវះកាត់នៅស្រុកំណើតរបស់ខ្លួននៅរដ្ឋតិចសាស់នៅថ្ងៃពុធនេះដើម្បីព្យាបាលការដាច់រហែកនេះប៉ុន្តែរូបគេនឹងខកខានក្នុងការប្រកួតធំបំផុតរបស់ខ្លួនទល់នឹងប៉ាកគីអៅអាយុ ៤២ ឆ្នាំ (៦២-៧-២, ផ្តួលគេឱ្យសន្លប់ ៣៩ ដង)។
ស្ពេននិយាយថា “ខ្ញុំរំភើបអំពីការប្រកួតនិងព្រឹត្តិការណ៍នេះ។ ប៉ុន្តែគ្មានផ្លូវដែលខ្ញុំអាចប្រកួតបានទេដោយសារបញ្ហារបួសភ្នែករបស់ខ្ញុំ។ ខ្ញុំសូមអភ័យទោសចំពោះគ្រប់គ្នា។ អ្នកដឹងទេខ្ញុំនឹងត្រឡប់មកវិញឆាប់ៗ។ យើងនឹងងើបចេញពីរឿងអាក្រក់បំផុត”៕
ស្ពេននឹងមិនអាចប្រកួតជាមួយប៉ាកគីអៅបានទេ ដោយសាររហែកភ្នាសក្នុងគ្រាប់ភ្នែក
0 Comments:
Post a Comment
KKK